Июнь ойида ҳам ўтган йилнинг июнига нисбатан кам электр ишлаб чиқарилган 2022 йилнинг июнь ойида 5 332,7 млн.кВт.соат электр ишлаб чиқарилган. Бу ўтган йилнинг июнига нисбатан 176,8 млн.кВт.соат кам дегани. Электр энергиясининг ўтган йилнинг тегишли ойларига нисбатан камроқ ишлаб чиқарилиши апрель ойидан бошланган, майда такрорланган ва мана июнда ҳам давом этмоқда. Жами олти ойлик - январь-июнь ойлари бўйича энергия ишлаб чиқариш ҳажмининг ўтган йилнинг июнь-январидан кўра кўпроқ ҳажмда бўлиши шу йил январь, февраль ва март ойларидаги юқори генерация ҳисобига юз берган. 2- чоракда эса генерация ўтган йил қувватларига ета олмаяпти. Электр ишлаб чиқариш камайиб бораётган ягона саноат товари эмас. Табиий газ, конденсат, дизель, цемент, ўсимлик ёғи кабиларни ишлаб чиқариш қисқаришда давом этмоқда.