Омонатлар ва уй-жой нархлари ҳақида Ўзининг тарихий рекорд кўрсаткичи 25 трлн.сўмга яқинлашаётган банклардаги аҳоли омонатлари қолдиғи ўсишдан тўхтатиши мумкин. Ҳарқалай кейинги кунлардаги кузатиш ва тенденциялар шуни кўрсатмоқда. Ўзбекистон шароитида омонатлар учун энг катта рақобатчи воситалар уй-жойга инвестициялар ҳисобланади. Янгиланган ипотека дастури, йил охиригача уй-жой қурувчиларга тақдим этилган мисли кўрилмаган преференция ва имтиёзлар, прописка чекловларининг енгиллашуви уй-жой бозорини қизитишда давом этмоқда. Карантин чекловлари ва карантин даври давом этаётганига қарамай, ҳукуматнинг уй-жой қурилиши ва ипотекани рағбатлантириш сиёсати эвазига апрель ва май ойларида уй-жой нархлари омонатлар бўйича реал ставкалардан юқорироқ ставкада ўсди. Июнь ойида ҳам ўсиш кутилмалари анча баланд. 2015 йил февралдан буён биринчи марта йиллик ҳисобда олганда уй-жойга инвестициялар даромадлилиги омонатларга нисбатан нисбий афзалликда қолмоқда. Албатта бу қанча давом этади, прогноз бериш қийин. Эртага айрим таҳлилчилар омонатлар қолдиғининг ўсишдан тўхтаганини мақбул ставкалар сиёсати бошлангани билан изоҳлаши мумкин. Лекин бу асосий омил эмас. Шунчаки янги фоиз сиёсати бўйича чора-тадбирлар уй-жой нархларининг атипик ўсиши даврига тўғри келиб қолди. @the_bakiroo