"Бюджетда пул билан боғлиқ муаммо йўқ" Ўтаётган ҳафтада Қонунчилик палатаси бюджетнинг биринчи ярим йилликдаги ижроси билан боғлиқ ҳукумат ҳисоботини эшитган. Бу сафарги муҳокамаларда ҳам бюджет таркиби ва мундарижаси ёки ижроси депутатлар тарафидан жиддий танқидга учрамаган (ўзини ўзи мухолифат деб эълон қилган ХДП тарафидан ҳам). Солиқ тўловчиларни икки карра қоқиштираётган ва олигархларнинг офшордаги ҳисобларига оқаётган энергосубсидиялар, қисқариб бораётган ижтимоий нафақалар, тинимсиз ошаётган бошқарув харажатлари каби масалалар кўтарилмаган. Янги чақириқда депутатлар ўз саволларини қоғоздан ўқиб беришларига кўниккан эдик (олдиндан тайёрланган саволлар одатда қоғозга ёзиб олинади). Бу сафарги йиғилишда депутатларнинг қоғоздан ўқиб берган саволларига жавобларни вазир ва ўрвазирлар (замминистралар) қоғоздан ўқиб бергани ҳайрон қолдирди (худдики саволни билиб, жавобгаям олдиндан тайёргарлик кўрилгандек). Асосий янгилик шу. Сарлавҳага чиқарилган иқтибос қоғозга қарамай гапирган ягона маърузачи Алишер Қодирга тегишли. Бу йил олтин нархларининг осмонга сакраб тургани учун ростанам бюджетда пул билан боғлиқ муаммо йўқ. Лекин асосий муаммоимиз ҳам шунда.