Олтин котировкалари янги тарихий максимумларда, мис ҳам қимматламоқда Бугун эрталабдан бир унция олтин нархи 3 800 долларлик маррадан ўтган. Йил бошидан ҳисоблаганда олтин 45%дан кўпга қимматлади. Лекин ҳали 2025 йил тарихан олтин энг кўп қимматлаган йил эмас (одатда олтин энг кўп қимматлагани ортидан энг кўп арзонлашиш йиллари келади). Ўзбекистоннинг иккинчи экспорт товари мис ҳам 18 ойлик максимумларда сотилмоқда. Ўтган ҳафта миснинг тоннаси 10 500 долларлик маррага яқинлашган, инвестбанклар АҚШ ва Европада электр тармоқлари модернизацияси ва дата марказлар қурилиши кўпайгани сабаб мисга талаб яқин йилларда юқори даражада бўлишини прогноз қилишмоқда. Ўзбекистон йилига 150 минг тонна мис ишлаб чиқаради, қурилиши чўзилиб кетган Ёшлик конидаги янги мис фабрикалари ҳисобига ишлаб чиқаришни 400 минг тоннага етказиш режалари мавжуд.