Мис янги максимумларда: Ёшлик конидаги қимматлаётган фабрикалар қачондир ишга тушадими?? Олтиндан кейинги иккинчи экспорт товаримиз миснинг котировкалари тарихда биринчи марта 13 минг доллардан ошган. Ўтган куни максимумларда 3 ойлик фьючерслар 13 387,5 долларга етган. Беш йил аввал бошланганидан буён каррасига қимматлаётган ва ҳалигача битмаган Ёшлик конидаги фабрикалар қачондир ишга тушса, Ўзбекистон мис ишлаб чиқаришни 400 минг тоннага оширган бўларди (3- фабрика 2023 йил сентябрда ишга туширилиши керак эди). Миснинг охирги ойларда мисли кўрилмаган даражада қиммалашуви Трамп маъмуриятининг мисга бож қўллаши эҳтимоллари ва шу хавотирлар фонида АҚШдан мис оқимининг кескин ошгани ва захиралар жамлангани билан изоҳланмоқда. Илгарироқ, ёзда Трамп маъмуриятида мис учун божлар ўрнатилиши режалари пайдо бўлганди.