Франция Тараққиёт агентлиги Ўзбекистон учун муҳим ҳамкор Франция Тараққиёт агентлиги Ўзбекистондаги 10 йиллик фаолиятини нишонламоқда. Франция ҳукуматининг барқарор инвестициялар ва халқаро бирдамлик сиёсатини илгари сурувчи молиявий институти Ўзбекистондаги “яшил ўсиш”, электроэнергия соҳасида трансформацияси, ирригация ва сув ресурсларини оқилона бошқариш ҳамда чорвачилик каби соҳаларидаги устувор йўналишлардаги ислоҳотларни қўллаб-қувватлаб келмоқда. “Сўнгги ўн йил давомида 1,6 миллиард евродан ортиқ миқдордаги сармоялар орқали ФТА Ўзбекистоннинг барқарор ва фаровон келажак сари йўлида ишончли ҳамкори бўлиб келди", — деди Амели Обер хоним. “Бизнинг ҳамкорлигимиз инклюзив ривожланиш ва экологик масалалар бўйича умумий мақсадларимизни ифодалайди". Кеча ўтган анжуманда агентликнинг кейинги йилларга тузилган ҳаракатлар стратегияси тақдим этилган. Расмий маълумотларга кўра, Франция тараққиёт агентлиги хорижий мамлакатлар молия институтлари орасида Ўзбекистоннинг йирик беш кредиторларидан бири ҳисобланади.