​Кичик тадбиркорликнинг сониям, иқтисодиётдаги улушиям қисқаришдан тўхтагани йўқ 2025 йил 9 ой якунлари билан Ўзбекистонда кичик корхона ва микрофирмалар 478 988 тагача камайган ( охирги уч ойда -8 075). Кичик корхона ва микрофирмалар сонининг ўтган йилнинг шу даври билан солиштириш имконсиз, чунки ўтган йилги статистика деҳқон ва фермерларсиз тақдим этилган. Кичик тадбиркорлик субъектларининг энг катта камайиши Андижон вилоятига тўғри келган (-2 052). Ҳудудлар орасида фақат Тошкент шаҳри (+1 567) ва Хоразмдагина (+202) ўсиш кузатилган. Кичик тадбиркорлик нафақа сонда, вазндаям қисқармоқда ва бу жараён пандемиядан кейинги йилларда тўхтамай давом этмоқда. ЯИМда кичик тадбиркорликнинг улуши 51,5%гача тушган (ўтган йилнинг шу даврида 53,4%).