Иқтисодий ўсиш "тезлашмоқда", кичик бизнес эса ёпилишда давом этмоқда Расмий статистика бўйича иқтисодий ўсиш деярли ўтган йилги кўрсаткичларга етиб олган. 5 ойлик якунларга кўра, саноатда 5,7%, савдода 7,2%, қурилишда 4,7%, бозор хизматларида 12,8%лик ўсиш кўрсатилган. Лекин аввал ҳам ёзганимиздек, "иқтисодий ўсиш" бизнесни, айниқса кичик бизнесни ўз фаолиятини тўхтатаётганлиги фонида юз бермоқда. Май ойида фаолият кўрсатаётган кичик бизнес субъектлари сони яна 8 713тага камайган. 1 июнь ҳолатига рўйхатдан бор кичик бизнеснинг 30%и фаолият кўрсатмаяпти.