​Статистика мўъжизаси: Ўзбекистон ЯИМ 5,5%га ўсган Ўзбек статистикасининг дастлабки рапортига кўра, 2023 йил 1-чорагида ялпи ички маҳсулот 5,5%га ўсган. Қишда биринчи чорак якунлари бўйича ЯИМ ўсиши 3,5%гача секинлашиши мумкинлиги айтилган эди. Кризисли ўтган қишга қарамай, ўзбек статистикаси мўъжиза яратишда давом этган. Демак, ўтган 3 ойда саноат 4,1%га, қишлоқ хўжалиги 3,2%га, бозор хизматлари 10,9%га, қурилиш 4,5%га, чакана савдо 5,2%га ўсиш қайд этган. Қизиқ тарафи, ҳатто бир ой аввал ҳам масалан, иқтисодиётимизнинг ўзаги бўлган саноат ишлаб чиқариш 3,9%га, қурилиш эса 8,2%га қисқариши қайд этилган эди. Чуқур қисқаришдан бир ой ичида катта ўсишга фақат мўъжиза рўй берсагина эришиш мумкин. Шундай қилиб, март ойида шу мўъжиза рўй берган. Бунинг учун энг аввало ҳурматли ва жонажон Статистикамизга катта раҳмат айтишимиз керак бўлади.