Саноат ўсиши тезлашишда давом этмоқда, бизнес субъектларнинг камайиши тўхтаган Январь-август ойларида саноат ўсиши 5,8%га етгани эълон қилинди. Расмий статистикага кўра, ўсиш суръати охирги уч ойда тезлашиб бормоқда. Шунингдек, иқтисодиётнинг бошқа секторлари — чакана савдо 7,2% (+0.1%), қурилиш 5,9% (+1,1%), бозор хизматларии 12,4% (+0,1%) ўсишида ҳам тезлашиш қайд этилган. 2023 йилда биринчи марта кичик бизнес субъектлари ва фаолият кўрсатаётган субъектлар сонини камайиши тўхтаган ва ўсишни бошлаган. Жами кичик бизнес субъектлар сони 605 230тага (+4 521), фаолият кўрсатаётганлари 411 306 тага (+1318) етган. Августда импорт рекорд 3,6 млрд.долларга етган. Ташқи савдо дефицити 7,2 млрд.долларни ташкил этган. Марказий банкнинг импорт шартномалари орқали капитални олиб чиқиб кетиш кескин кучайгани бўйича хавотирлари ўринли эканини шу рақамлар ҳам кўрсатиб турипти (ва бунга қарши манзилли, аёвсиз, жазо муқаррарлигини таъминлаган ҳолда курашиш керак).