У чўнтакдан бу чўнтакка Lukoil'нинг хорижий активлари Gunvor Group'га сотилади. Томонлар ўзаро келишувга эришган. Агар АҚШ молия вазирлиги рухсат берса, Lukoil'нинг хориждаги, хусусан Ўзбекистондаги активлари устидан назорат Gunvor Group'га ўтади. Кипрда рўйхатдан ўтган ва Путиннинг дўсти Тимченко асос солган Gunvor Group ўнинчи йилларда энг йирик нефть трейдерлардан бири ҳисобланган. Компанияга қарши турли коррупцион суриштирув ва айбловлар илгари сурилган. Компаниянинг ўртамчилик бизнес модели аввалги эпохада Ўзбекистонда фаолият юритган Zeromax каби бўлган, фақат юзлаб, минглаб карра катта кўламда.