Путин қўғирчоғи Gunvor’га рухсат йўқ АҚШ Молия вазирлиги Lukoil’нинг хориждаги активларини Gunvor group’га сотилишига рухсат берилмаслигини Х тармоғи орқали маълум қилди: “Президент Трамп уруш дарҳол тугаши кераклигини аниқ айтган. Путин маъносиз қотилликларни давом эттирар экан, Кремлнинг қўғирчоғи Gunvor фаолият юритиш ва фойда олиш учун ҳеч қачон лицензия ололмайди”. Gunvor group АҚШ Ғазначилиги қарорига нисбатан муносабат билдириб, Lukoil’нинг хорижий активларини сотиб олиш бўйича буюртмасини қайтариб олишини билдирган.