“SQB Ventures” финтех-хакатони: ғоядан — тайёр стартапгача Тошкент шаҳрида Ўзсаноатқурилишбанк (SQB)нинг корпоратив венчур жамғармаси — “SQB Ventures” томонидан финтех-инновацияларни ривожлантириш ва ёш стартапчиларни қўллаб-қувватлашга қаратилган хакатон бўлиб ўтди. Тадбирнинг асосий мақсади – иқтидорли ёшларга инновацион ғояларини амалда намойиш этиш, тажрибали менторлардан кўникма ва тавсиялар олиш ҳамда шу орқали тайёр маҳсулот яратиб, ўз стартапларини ривожлантириш имкониятини беришдан иборат бўлди. Хакатонга 196 та ариза келиб тушди. Саралаш натижасида 36 та жамоа танлаб олинди, шулардан 13 таси финал босқичига йўл олди. Улар сунъий интеллект, финтех ва нобанк маҳсулотлар йўналишларида иш олиб бордилар. Менторлар орасида “Azma Finance”, “Muna Media”, “Minora AI”, “Uzum Fintech” каби маҳаллий ва халқаро экспертлар иштирок этдилар. Ғолиблар:

1-ўрин — Redeem (автомобилларга ёқилғи қуйиш шохобчалари учун POS-тизим); 2-ўрин — Mentorium (болалар учун сунъий интеллектга асосланган таълим платформаси); 3-ўрин — Historia (тиббий муассасалар учун CRM-платформа). Ғолиб жамоалар “SQB Ventures” томонидан жами 220 миллион сўм миқдоридаги мукофот жамғармаси доирасида тақдирландилар

.

Хакатон “Янги Ўзбекистон” университети ҳузуридаги инновацион майдонда бўлиб ўтди. “SQB Ventures” финтех экотизимини ривожлантириш ва истиқболли стартапларни қўллаб-қувватлаш орқали уларни ҳақиқий бизнесга айлантириш борасидаги фаолиятини изчил давом эттиради. Telegram | Facebook | Реклама