Bloomberg'нинг ёзишича, Россия элитаси, яъни сиёсий раҳбарлар ва уларга яқин бўлган миллиардерлар коронавирусга қарши тажрибавий вакцинага апрель ойидаёқ эга бўлганлар. Вакцинадан юзлаб сиёсатчи ва бойлар фойдаланган. Қайд этилишича вакцинациядан ўтганлар нормал ҳаёт тарзи ва учрашувларни давом эттириш имконига эга бўлганлар ва вакцинанинг ёмон эффектлари кузатилмаган. Путиннинг ёлғончиликда машҳур бўлган мирзаси Песков Путин вакцина қабул қилган ёки қилмаганлиги ҳақидаги саволни очиқ қолдирган. Айрим мамлакатларда, айниқса ҳокимияти тор доиралар ва олигархлар томонидан эгаллаб олинган давлатларда сиёсий ва бизнес элита эпидемия пайтида ҳам одатий ҳаёт тарзини давом эттираётгани, ниқоб ишлатмаётгани, қўрқмай мажлис ва учрашувлар ўтказаётгани, ҳатто катта ёшли элита вакиллари вирус юқтирган тақдирда ҳам жуда тез муддатларда даво топаётгани оддий (маҳкум) фуқароларда савол уйғотишда давом этмоқда.