5 та чиқинди ташиш корхонаси томонидан 250 мингга яқин истеъмолчидан 8,8 млрд сўмдан ортиқ асоссиз маблағ олинган Ташилмаган чиқинди бўйича аҳоли бўйнига ёзиб юборилган миллиардлаб қарзлар ҳақида жуда кўп ёзганмиз. Қарзлар ва шартномалар инвентаризация қилинмай туриб, тўлови электрга боғланиши аҳоли учун емаган сомсага пул тўлаш бўлаётгани-ку, ўлганнинг устига чиқиб тепиш бўлаяпти. Рақобат қўмитаси айрим хонадонлардан чиқиндилар умуман олиб кетилмаган бўлса-да, уларга тўловлар ҳисобланган ва хизмат белгиланган даражада кўрсатилмаган ҳолатларни аниқлаган. “Қаҳрамонлар” билан танишинг: “RAHNAMO SERVIS”, "ZERO-WASTE", “ZANGIOTA OBODON”, “ANGREN BUNYOD FAYZ” ва "OHANGARON SANITARIYA TOZALASH" МЧЖ. Улар 250 мингга яқин истеъмолчидан 8,8 млрд сўмдан ортиқ асоссиз маблағ ундиришган. Бу Тошкент вилоятида бештагина корхонада аниқлангани. Бутун республика бўйича аҳвол қанақалигини ўзингизга тасаввур қилинг энди. Рўйхатда қайд этилган Zangiota Obodon МЧЖ билан ДХШ битим бекор қилинган, лекин қандай қилиб аҳолидан пул йиғишни тўхтатмаган, алоҳида муаммо. Балки бу бўйича кимдир расмий жавоб берар?