Мактабларнинг ёппасига газдан узиб, кўмирга ўтказиш 2023 йилдан кейин рўй берган 2023 йилгача иситиш учун кўмир ёқадиган мактаблар улуши 50%дан кам бўлган. Энергошотирларнинг ташаббуси билан 2023 йилда қарийб 2 500та мактаб газдан узиб ташланган ва кўмирга ўтказилган. Аниқ рақамларда айтсак, 2023 йилда 5 407 объект, бундан 2 229 боғча, 2 432 мактаб ва 749 тиббиёт муассасасида иситиш тизимлари кўмирга ўтказилган. Кўмирга ўтказилган объектларнинг энг кўп қисми Тошкент вилоятига тўғри келган (бугун Тошкент, Зангиота ва Қибрай туманларидан пойтахтга қараб оқаётган тутунлар фақат иссиқхоналардан эмас, кўмир ёқаётган мактаблардан ҳам). 2024 ва 2025 йилдаям бу жараён узлуксиз давом этказилган. Яъни ҳозирги даҳшатли аҳвол бу охирги йиллардаги энергодеградациянинг натижаси. Экорейд-миссиялар манзилини мактабларга ҳам йўналтиришса, каттаконларимиз аҳволни ўз кўзлари билан кўришган бўларди (шу баҳона нима учун Тошкент вилоятининг пойтахтга ёндош туманларида яшовчилар имкон қилганики боласини Тошкентга мактабга обориши сабаблариниям билиб олишарди).