Энергокризис зўр баҳона: пропан нархларини 10%дан кўпга ошириб олишга улгуришди Эчкига жон қайғу, қассобга ёғ (кому война, а кому мать родна) мақоли айнан Ўзбекистонни ва ўзбекистонликларни тинимсиз талаётган ўғри олигархия ва очофат монополистлар ҳақида айтилган. Метан заправкалардаги чекловлар ва бензин нархининг сунъий оширилаётгани фонида пропан нархлари ими-жимида осмонга кўтарилмоқда. Ой бошидан буён пропаннинг биржадаги нархлари 10,1%дан кўпга, йил бошидан буён янги мутлақ максимумгача қимматлаган ( ой бошидаги 7 166,9 минг сўмдан кечаги кунга 7 893,1 минг сўмгача). Биржадаги осмоннархлар табиийки чакана савдодаги нархларда дарҳол акс этмоқда. Чакана шохобчаларда пропаннинг литри ой бошида 5 500-5 600 сўмдан сотилган бўлса, шу кунларда нарх 6 100-6 200 сўмгача кўтарилган. Ўтган ҳафтадаги истеъфолардан кейин Рақобат қўмитасининг шу пайтгача чекланган маъмурий ҳатти-ҳаракатлари балки энди ишга тушиб кетар. Зеро бу ҳеч қанақа бозор эмас, бу қип-қизил антибозор, агар антимонополия ҳозир аралашмаса, қачон аралашиши керак ўзи?