Пропан нархи кескин кўтарилган Одатда ёз ойларида арзонлаб кетадиган пропан ёқилғисининг нархи чакана ёқилғи қуйиш шохобчаларида ўртача 4800-5000 сўмдан 6000-6200 сўмгача кўтарилиб кетган. Бу вазиятда кўпчилик истеъмолчилар ёқилғи шохобчаларини айблашмоқда. Аслида эса вазият мураккаброқ. Биржа савдоларида пропаннинг нархи 30 кун ичида тоннасига 6 023,8 минг сўмдан 7 538,5 минг сўмгача қимматлаган. Яъни тўлиқ бўлмаган 1 ойда пропан нархи 25%дан кўпга ошган. Пропан ёқилғисини Ўзбекистонда Лукойл ва Ўзбекнефтегаз қарамоғидаги компаниялар ишлаб чиқаради ва таклиф этади. Ҳаммадан қизиғи, пропан нархи шимолдаги босқинчилардан пропан импорти кескин кўпая бошлагач, айрим заводлар ишлаб чиқаришни тўхтатиб тургач, тезроқ кўтарила бошлаган. Бу ерда қандайдир тил бириктириш, ўзаро келишувнинг ишоралари бордек. Муҳримбой тўғри ёзаяпти, Рақобат қўмитаси масалани ўрганиши, назорат остига олиши керак. Олигархлар билан чатишиб кетган энергетиклардан ўзбекистонликлар ҳеч бир ёруғлик кутиши керак эмас. Ёзнинг қоқ ўртасида аҳвол шу бўлса, қишда нима бўлади?