Пропан 8 кунда 15%га қимматлаган Кечаги савдоларда пропан нархи яна 615,9 минг сўмга ошиб, деярли 9,3 млн.сўмга етган. Нархлар осмонга сакраётганига қарамай, савдолар ҳажми 2 минг тоннадан ошмаяпти. Йил бошидан ҳисоблаганда, яъни ўтган 8 кунда пропан нархи биржада. деярли 15%га ошган. Шохобчалардаги чакана нархлар йил бошидаги 6 100-62 00 сўмдан 6 800-7 000 сўмгача ошган. Ўсишдан тўхтамаётган ёқилғи нархлари, узилишлар ва эҳтимолки, шаклланаётган сунъий дефицит масаласида бирон бир масъул расмий орган (Иқтисодиёт ва молия вазирлиги, Энергетика вазирлиги ва Рақобат қўмитаси) ўз муносабатини билдиргани йўқ. Балки ҳамма таътилдадир, истеъмолчилар эса таътилга чиқиб кета олмайдилар.