Пропан яна 385 сўмга қимматлаган Кечаги биржа савдоларида пропаннинг тоннаси яна 385,4 минг сўмга қимматлаб, қарийб 6,4 млн.сўмга етган. Саккиз кун ичида пропан нархи 1 130 сўмдан кўпга ёки 21,4%га ошган (сотув ҳажми 40%га қисқарган). Тармоқларда бугунги кунда пропаннинг қимматлаган метандан арзон тушаётгани ҳақидаги “қувончлар” афсуски узоққа чўзилмайди. Чунки бу аввалги ҳафтадаги биржадаги арзон пропан ҳисобига. Келаси душанбалардан чакана савдода пропан метандан яна қиммат бўлади. Газета нархлар асоссиз ошган тақдирда май-август ойларида автомобилларга ёнилғи қуйиш шохобчаларида сотиладиган суюлтирилган газ учун чекланган чакана тарифни белгилаши кераклиги тўғрисидаги таклиф кўрилгани, лекин қабул қилинмагани ҳақида ёзмоқда. Бизнинг-ча, муаммонинг ечими чакана савдода нархни чеклаш билан битмайди, чунки балик бошидан сасиган: импортчи олигархлар ва ишлаб чиқарувчи монополистларнинг ўзаро тил бириктиришига қарши аёвсиз муносабатда бўлиш, рақобатни чеклаётган турли расмий ва норасмий тўсиқларни бартараф этиш учун ҳаракатлар амалий босқичга кириши керак.