501 сўм Ўзбекгидроэнерго АЖнинг маълум қилишича, идоралараро тариф комиссияси томонидан 2023 йил 15 ноябрдан эътиборан тизимда ишлаб чиқарилаётган электр энергияси нархи 501 сўм (447 сўм ҚҚСсиз) этиб белгиланган. Компания гидроэлектр станцияларида ишлаб чиқарилган электр энергияси таннархи бошқа ишлаб чиқарувчи корхоналарга нисбатан паст эканини қайд этган ҳолда, электр энергиясини сотишдан тушадиган тушумнинг асосий қисми давлат бюджетига тўловлар ҳамда Жамият ривожланиш дастурига асосан янги ГЭСларни қуриш ва мавжудларини модернизация қилишга қаратилган инвестиция лойиҳаларини амалга оширишга йўналтирилишини маълум қилган. Умид қиламизки, Идоралараро тариф комиссияси Ўзбекгидроэнергия АЖ таркибидаги гидроэлектр станциялари томонидан ишлаб чиқариладиган электр энергияси харид тарифларини 2026 йилдан бозорга ўтгунимизгача бошқа оширмайди. Аввалроқ иссиқлик электр станцияларидан сотиб олинаётган электр энергияси учун харид тарифлари 577 сўмдан 998 сўмгача ўрнатилганини маълум қилган эдик. Генерация компаниялари, улар давлат назоратидами ёки чўнтакларга "ишончли бошқарувга" бериб юборилганларими шу тарифлар доирасида фойда кўриб ишлашга, бу йўлда харажатларни инвентаризациядан ўтказиб таннархни пасайтиришга, хусусан каррасига қимматлаштирилган (айниқса кўмир, мазут бўйича) шартномалардан воз кечишга ҳаракат қилишлари керак ёки токи бозор йўқ экан тегишли идораларнинг уларни бунга мажбур қилишларидан бошқа чора қолмайди. Ўзбекистон 2025 йилга энергетикани субсидиялашдан бутунлай воз кечган ҳолда кириши зарур.