Podrobno.uz'да таржимон йўқми ё бу провакациями? Podrobno.uz гўёки менинг прогнозларимга таяниб, "январь охирида метан нархининг кескин қимматлашиши кутилмалари бензин ва пропан нархини ошиши учун баҳона бўлиб хизмат қилади" деб ёзмоқда. Бу эса қип-қизил ёлғон — мен бирон бир жойда январь охирида метан нархининг кескин ошиши ҳақида ёзмаганман, гапирмаганман. "Экономист Отабек Бакиров предупреждает о рисках нового топливного кризиса. По его прогнозам, резкое подорожание метана, ожидаемое в конце января, может быть использовано как предлог для роста цен на бензин и пропан". Мана Подробно чала-чулпа таржима қилган постнинг оригинали: "Пропан биржа нархи 8 минг сўмдан, чакана нархи 6,6 минг сўмдан ошган 2025 йил бошида прогноз қилганимиздек, метан нархининг кўтарилиши пропан ва бензин нархини ошириб олишга зўр баҳона бўлди. Ўғри олигархия ва очофат монополистлар худди 2024 йилда бўлган каби 2025 йилдаям ясама тақчилликлар ва энергокризислардан фойдаланиб нархларни сунъий оширишда давом этишди. Рақобат қўмитасининг монополист ва олигархларни жиловлаш, демакки, пропан нархларини тийиш бўйича ўтган йилда бирон-бир амалий қадам қўйгани кузатилмади. 2025 йил давомида пропаннинг биржа нархи 27,6%га ошган (6 340,2 минг сўмдан 8 087,3 минг сўмгача кўтарилган). Декабрь ойининг ўзида пропан қарийб 13%га ошган. Биржадаги отўйинлар чакана нархларда ҳафта ўтмай намоён бўлмоқда, янги йилнинг охирги ҳафтасида 6 100-6 200 сўмдан сотилган пропан янги йилнинг илк иш ҳафтасида пойтахтда 6 600 сўмгача ва ҳудудларда унданда юқорига кўтарилган". Жаноблар, ё ўзбек тилини биладиган таржимон олинглар ёки бунақа тўқима таржималарингиз билан провакация қилишни тўхтатинглар. Ярашмайди.