30 мингдан ортиқ лойиҳа ва 3,8 трлн сўм: 2025 йил натижалари рақамларда “Ўзбекистон24” телеканалида эълон қилинган маълумотларига кўра, “Тадбиркорликни ривожлантириш компанияси” АЖ 2025 йилда 30 мингдан ортиқ тадбиркорлик лойиҳаларини молиявий қўллаб-қувватлаган. Молиявий кўмакларнинг умумий ҳажми 3,8 триллион сўмни ташкил этган. Компания тақдим этган таҳлилларга кўра, қўллаб-қувватланган лойиҳаларнинг асосий қисми хизмат кўрсатиш соҳасига тўғри келади. Ушбу йўналиш иқтисодиётда бандлик ҳажмини таъминловчи асосий сектор сифатида сақланиб қолмоқда.

Шунингдек, молиялаштирилган лойиҳалар таркибида аёллар ва ёшлар тадбиркорлиги ҳамда яшил иқтисодиёт йўналишидаги ташаббуслар алоҳида улушни эгаллаган. Бу йўналишлар давлат томонидан устувор деб белгиланган ижтимоий ва экологик мақсадлар билан уйғун ҳисобланади.

2025 йил натижалари тадбиркорликни қўллаб-қувватлашда молиявий ресурслар кўлами кенгайиб бораётганини кўрсатади. Бироқ ажратилган маблағларнинг самарадорлиги, лойиҳаларнинг барқарорлиги ва узоқ муддатли иқтисодий таъсири кейинги давр таҳлилларида муҳим мезон бўлиб қолади. Манба