Таксичиларга оид талаблар қонунга киритилади Транспорт тўғрисидаги қонуннинг лойиҳаси жамоатчилик муҳокамасига қўйилган. Лойиҳа маъқулланса, қатор бошқа қонун ва қонуности ҳужжатлари талаблари, бир ҳужжатда жамланади, шунингдек тўғридан-тўғри амал қилиниши кенгаяди. Лойиҳа билан таксичилик фаолиятига оид талаблар ҳам белгиланган. Хусусан, йўналишсиз таксилар қуйидаги талабларга жавоб бериши керак: тўловларни агрегатор ёки бошқа электрон тўлов тизимлари орқали қабул қилиш имконияти яратилган бўлиши; йўналишсиз такси техник ҳолати ва жиҳозларининг йўл ҳаракати хавфсизлигини таъминлаш бўйича қонунчилик ҳужжатлари талабларига мувофиқ бўлиши; шаҳар йўналишларида автотранспорт воситасининг эксплуатацияси ўн беш йилдан ортиқ бўлмаслиги; ташувчининг фуқаролик жавобгарлигини мажбурий суғуртаси мавжуд бўлиши; таксометр функцияларини таъминлайдиган махсус иловага эга мосламалар билан таъминланган бўлиши. Аввалроқ мазкур талаблар вилоятлик таксичиларга оид 14- моддаси кўп баҳс ва тортишувларга сабаб бўлган ва қўлланилиши жамоатчилик эътирозларидан кейин тўхтатилган 200- сонли қарорда акс этган эди. Қонун қабул қилиниши билан 14- модданинг иккинчи қисми ҳам олиб ташланиши тўғри бўлади.