Нега ҳамма қилган ишнинг тескарисини қиламиз? Мен тушунмайдиган ва қабул қилмайдиган нарса: нега бизда бир бизнес билан шуғулланиш шарти ўлароқ бошқа бир бизнесга мажбурий тиркаб қўйилиши авж олган? Гумоним борки, булар битта нотўғри қарор ортидан иккинчи нотўғри қарорниям қилишади, яъни ўзи иккитагина бўлган агрегаторларни вилоятларда фаолият кўрсатишга мажбурлашади. Бутун нормал дунёда агрегаторларга қўшилиш мутлақо ихтиёрий. Таксичига фойдали бўлса, ўзи танлаган агрегаторлардан бирига қўшилади. Мустақил таксичилик афзал бўлса, ўзи таксичилигини давом эттиради. Умрида таксидан фойдаланмаган, таксичининг дарди, кун тартиби, муаммоларидан бутунлай бехабар одамлар ярим кечаси ўтириб ҳужжатни ёзиб чиқишганга ўхшайди.