Пропан қимматлашишдан тўхтагани йўқ Январнинг иккинчи ўнкунлигида спреднинг 10%гача пасайтирилиши, шунингдек бошланғич нархга минимал талаблар киритилгандан кейин, пропан нархларида вақтинчалик барқарорлик кузатилган эди. Лекин февраль ойида нархлар яна ими-жимида ошишни бошлаган. Хусусан, ой бошидан биржа нархлари 2,8%га қимматлаган. Чакана шохобчалардаги нархлар эса яна 5-7%га, 6800-7000 сўмгача кўтарилган. Таъкидлаш керакки, ўзи январдаги амалий чоралардан кейин ҳам чакана нархлар пасаймаганди. Агарда, ИЭСлар учун пропан захираси жамғарилишни бошласа, катта эҳтимол билан, навбатдаги нарх раллисини кўрамиз. Дарвоқе, пропан ёқиб электр генерация қилиш таннархи қанчага тушади? Кимдир ҳисоблаб кўрдими? Ё худди метан контейнерлар учун пул совурилгани сингари бу ҳам энергетикларнинг навбатдаги кэптив лойиҳаси бўладими?