12 та янги келишув: Ўзбекистон–Беларусь бизнеси фаоллашмоқда 24 февраль куни пойтахтда Ўзбекистон–Беларусь ишбилармонлар кенгашининг 5-йиғилиши бўлиб ўтди. Унда икки давлат Савдо-саноат палаталари раҳбарлари, вазирликлар ҳамда тадбиркорлар иштирок этди. Томонлар бизнес алоқаларини кенгайтириш, қўшма инвестиция лойиҳаларини амалга ошириш ва амалий масалаларни тезкор ҳал этиш бўйича фикр алмашди. Ҳозирда Ўзбекистонда Беларусь капитали иштирокида 242 та корхона фаолият юритмоқда. Шундан 57 таси қўшма, 185 таси хорижий корхоналардир. Йиғилиш якунида машинасозлик, қишлоқ хўжалиги, тўқимачилик, фармацевтика, қурилиш, озиқ-овқат саноати ва логистика соҳаларида 12 та ҳужжат имзоланди.