Сабабсиз оқибат ҳақида Кеча Лукашенко бошчилигидаги Белорусь Хавфсизлик Кенгаши Президент сайловидан кейин давом этаётган норозиликларга қарши превентив чоралар сифатида хорижий валютадаги қатор банк операцияларини тақиқлаш, назорат қилиш ва чеклаш каби масалаларни муҳокама этган. Бугун эса валюта айирбошлаш шоҳобчаларида доллар ва еврога нисбатан талаб ортгани ҳамда белорусь рублининг навбатдаги тўлқинда қадрсизланиши кузатилмоқда. Доллар/белорусь рубли жуфтлиги 2,45-2,48дан 2,50-2,56гача, евро/белорусь рубли жуфтлиги 2,85-2,90дан 2,95-3,05гача ўсган.