Баъзида сукут афзалроқ экани ҳақида Сайловлардан кейин юз бераётган фуқаролик қалқинишлари ортидан Белорусь рубли кунига 1-1,5 фоизга қадрсизланмоқда. Белорусь рубли охирги кунларда АҚШ долларига нисбатан 10 фоиздан кўпроқ қийматини йўқотган. Мамлакат банк сектори регулятори - Миллий банк раҳбарларидан бири Дмитрий Мурин бозор иштирокчиларини хотиржамликка чақириш учун Рейтер агенлигига берган интервьюсида валюта чекловлари жорий қилинмаслиги, мажбурий сотув тикланмаслиги, валютадаги омонатлар ва ҳисоб-китобларга чекловларга ўрин йўқлигини таъкидлаган. Айни пайтда регуляторга кўра, Белорусь олтин-валюта захиралари қисқаришда давом этмоқда, валютага кунлик талаб уч мартадан кўпайиб кетган ва яқин даврда ташқи қарзлар бўйича 3 миллиард АҚШ доллари миқдоридаги тўлов ҳам кутмоқда. Валюта бозорига босимни пайсайтириш учун регулятор белорусь банкларига овернайт кредитлари беришни тўхтатган. Мурин интервьюси билан танишган онгли ва ҳисоб-китобдан хабардор ҳар бир белорусь хотиржамликка тушиш ўрнига ҳозирнинг ўзидаёқ айирбошлаш шоҳобчасига чопиб боради.