Таксичилик Ўзбекистонда энг мураккаб касб ва у албатта лицензияланиши керак 2021 йил 1 январдан бошлаб бекор қилинадиган лицензияланадиган фаолият турлари рўйхатини қараб шапкангни осмонга отгинг келади. Ана эркинлик! Профессионал малака ва катта тажриба талаб этиладиган, ўнлаб мураккаб стандартларни ўз ичига олган аудиторлик фаолиятини лицензиялаш бекор бўлаяпти. Зўр! Анча-мунча жавобгарлик ва молиявий оқибатларни ўз ичига олган баҳолаш фаолиятига энди лицензия керак эмас. Ажойиб! Ахборотнинг криптографик ҳимоя воситаларини лойиҳалаштириш, таъмирлаш ва фойдаланиш соҳасини давлат назорати ва лицензиялашдан воз кечилаётгани инқилобий қадам. Ҳатто кўпчилик ҳайрон. Наҳотки, балки шартмас эди? Лекин оддийгина, бошқариш ва ҳаракатланиш мураккаб бўлмаган ўз автомашинангни ўзинг миниб йўловчи ташишга ва таксичиликка барибир лицензия керак. Таксичилик билан қатда йўқ аудиторчиликни солиштирманг, дейишмоқда истеҳзо билан. Қойилмисизлар?! Бўлмасам, 3 ой аввал Президент таксичилар ўзини ўзи банд этадиган ва даромад солиғини тўлашдан озод этиладиган фаолият турларига қўшилсин деб айтди. Фойдаси бўлмади. Ҳукумат таксичиларни яна рўйхатга қўшмади. Менимча, ўзбек чиновниги, у бош вазирми, вазирми, ҳокимми, солиқчи бўладими, мелисами, лицензиячими ёки яна бошқами ўзининг катта душмани деб таксичиларни билади. P.S. Орзудаги Ўзбекистонда 95 фоиз чиновниклар хизмат автомашиналаридан маҳрум этилади ва улар ўз хизмат вазифаларини бажаришда фақат такси хизматидан фойдаланишлари мумкин бўлади. @the_bakiroo