Таксичилик фаолияти ўз-ўзини банд қиладиган фаолият турларига киритилиши ва бунинг учун телефон орқали солиқ идораларини хабардор қилиш кифоя эканлиги 2 ой муқаддам айтилганди. Президент топшириқ берган, пастда ижро қилинмади. Атайин қилинмади: Июнь ойида ўз-ўзини банд қиладиган фаолият турлари рўйхати янгиланди, лекин, надоматлар бўлсинки, рўйхатда таксистлар яна йўқ эди. Юзминглаб ўзбекистонлик таксичилик қилиб бола-чақа боқади, бировга оғири тушмайди, лекин улар солиқчи, мелиса, гвардиячи, ва "дарётранс"дагиларнинг кундалик ўлжаси. Даромадининг ягона манбаи таксичилик бўлган фарғоналик фуқаронинг автомашинаси жарима майдонига қўйилган, отнинг калласидек жаримани тўлашга пули бўлмаган таксист ўзини осмоқчи бўлган. Айтинглар, таксист нима қилиши керак эди? Ўт ейиши керакмиди? Ё сомон чайнаши лозиммиди? Нега миллиардларни ўғирлаётганларнинг мушуги пишт дейилмайди, лекин осилиб олганларинг шу таксистлар? Кимдир жавоб берадими? Ҳатто Шимолий Корея тирикчилигининг ягона манбаи бўлган балиқчиларнинг қайиғини тортиб олмайди. Сизлар улардан ҳам ўтиб тушдинглар.