Балки энди газлашмаган хонадонларга электр энергияси учун 50%лик чегирма берилар? Албатта, ижтимоий дейилган, лекин давлат ресурсларини ўзлаштирадиган улкан коррупцион тизимга айланиб кетган кўмир савдосининг барча занжирларда рақобат ва шаффофликни таъминлаган ҳолда бозорга томон юриши бу тўғри қадам. Арзон дея тарқатиладиган бу қуйқумни кўмир деб аташга тил бормасди (1, 2, 3...), Кўмирсавдодаги ўнлаб корчалонларга ҳар йили ўнлаб иш очиларди. Айни пайтда, уйини кўмирда иситиб келган миллионлаб ўзбекистонликлар ҳалиям электрга 50%лик чегирма берилишини кутишда давом этаётганини айтмасаям бўлмайди. Турли важлар келтирилди ва келтиримоқда. Юклама ва инфратузилма бўйича ҳисоб-китоблар уч йилдирки тугагани йўқ. Балки ҳеч ҳурса, газлашмаган хонадонлар учун электрга 50%лик чегирма тизимини юклама кам, генерация кўп Хоразм ва Қорақалпоқда синаб кўришар? Шунга қараб бошқа ҳудудларга нисбатан хулосалар ва тегишли ўзгартиришлар қилса ҳам бўлади.