Янги брендлар ва шопинг-туризм чақириқлари: Инфратузилма тайёрми? Юртимизга Марказий Осиё ва узоқ хориждан келаётган туристлар оқими сезиларли даражада ортди. Меҳмонлар оммаси фақат обидаларни кўриш учун эмас, балки йирик харидлар учун ҳам маблағ сарфламоқда. Бунинг натижасида бозоримизда янги халқаро ва маҳаллий брендлар сони тез суръатларда кўпайиб боряпти. Бироқ, харидор кўпайгани билан, у машинасини қўйишга автотураргоҳ топмаса ёки сифатли кўчмас мулк хизмати бўлмаса, савдо занжири узилади. Туристлар ва янги брендларни янада кўпроқ жалб қилиш учун бугун тадбиркорларда ҳам кўплаб таклифлар йиғилиб қолган. Шу сабабли, айни пайтда савдо, автотураргоҳ ва кўчмас мулк хизматлари соҳасидаги тадбиркорлар билан очиқ мулоқот ўтяпти. Мулоқот давомида тадбиркорларнинг таклиф ва ташаббуслари, шунингдек, улар дуч келаётган долзарб масалалар муҳокама қилинади. Жараённи жонли эфирда кузатамиз.