Яхши ва ёмон гумон Қирғизистоннинг Ўзбекистон билан чегарадош энг чекка қишлоқларида сифатли уяли алоқа ва мобиль интернет мавжудлиги ва Ўзбекистоннинг Қирғизистон билан чегарадош энг чекка қишлоқларида алоқа ва интернетнинг йўқлиги мен учун ҳамиша жумбоқ бўлган. Яхши гумонимга кўра, чекка қишлоқларда мобил алоқа ва интернетнинг йўқлиги бизнинг стратегик қуролимиз, мабодо потенциал душман чегарадан ўтса, алоқасиз ва интернетсиз довдираб қолади. Худди русларда йўллар (аниқроғи йўлларнинг йўқлиги) стратегик қурол бўлгани сингари. Ёмон гумонимга кўра, Алоқа ва коммуникацияни ташкил этиш шунчалар малакасиз ва иррационал йўлга қўйилган: биз ростанам бу соҳада ўта қолоқмиз ва ҳар бир занжирда қиммат ва олчоқ бюрократия яратганмизки, алоқа бизнеси иштирокчиларига алоқа сифатини яхшилаш ва сотувларни оширишдан заррача тижорий манфаат қолмаган. P.S. Бир суткадан бери ёзмапсиз ижтимоий тармоқларда, хавотир олдик, дея берилган саволларга жавоб ўрнида деб билгайсиз. @the_bakiroo