Ёқилғи яна қимматлашадими? Инфляция нима бўлади? Саудия Арабистонининг Қизил денгизга чиқадиган магистрал нефть қувурларига (East-West Petroline) берилган дрон зарбалар ортидан ёпилиши нефть нархини яна осмонга кўтармоқда. Эрталабда бир баррель брент типидаги нефть котировкалари 108 долларгача сакраган, қолган типдаги нефть котировкалари ҳам кескин қимматлаган, масалан, шимолнинг Urals нефти 105 долларгача чиққан. Февралнинг охирида Яқин шарқда бошланган урушдан кейин Ҳурмўз бўғозининг ёпилиши нефть нархини бирдан оширворган, лекин сулҳ келишувлари туфайли бўғозда ҳаракатлар тиклангач, нефть нархлари июнь-июль ойларида 70-80 долларгача тушган эди (ўшандаям Ўзбекистонда ёқилғи арзонламай, сунъий қимматлашишда давом этган). Мана энди нархларни оширишга янаям зўр баҳона пайдо бўлмоқда. Антимонополия бензин ва пропан нархи шаклланишига аралашадими, спекуляцияларни олдини оладими? Ё 1 долларлик пропан, 1,5 долларлик 92 лақабли ва 2 долларлик 95 нархларини кўрамизми? Унда инфляция нима бўлади? 6,5%лик чегарага сиғадими?