Халқаро пул ўтказмалари ҳажми пандемия аввалида прогноз қилинган даражада камаймаганига Марказий банк томонидан изоҳ берилди: Пандемиягача ҳаво ва темир йўл транспорти орқали бошқа жисмоний шахслардан бериб юборилган ва расмий ҳисоботларга киритилмай келган ўтказмалар, чет давлатлар билан транспорт алоқаси тўхтаб қолгач, халқаро пул ўтказмалари тизимлари орқали ўтказила бошланди. Бу ҳолат халқаро пул ўтказмалари тизимларидан фойдаланувчилар ўртасида амалга оширилган сўровномалардан кейин аниқлаштирилган. Турли ҳисобларга кўра, 25-30% миқдорида халқаро ўтказмалар халқ тилида айтганда - "истерн юнион", яъни қўлма-қўл жўнатиб турилган.