​"Ёмон таълим" - "Bad Education" - охирги ойларда мен кўрган фильмларнинг энг яхшиси. Фильм таълим ҳақида бўлсада, сюжет ўзагини коррупция ва унинг узилмас занжирлари ташкил этади. Коррупция, катта, кичик, яширин, очиқ кўринишда ҳамма мамлакатларда бор. Мамлакатлар ўзи уларда коррупция бор-йўқлиги билан эмас, коррупцияга нисбатан бефарқ ёки иштирокчи муносабатда бўлиш ёхуд тоқатсиз ва нафратда бўлиш билан таснифланади. Мамлакатлар яна эски авлод анъаналарини янги авлод рад қила олиши ва бузиши мумкинлиги билан фарқланади. Ҳа, дарвоқе, назаримда, фильмдаги бош роль ижрочиси сифатида Хью Жекманни эмас, номи ҳеч кимга ҳеч нима демайдиган Жеральдин Висванатханни кўрсатиш тўғрироқ бўларди.