"Ярим миллиард долларлик экспорт" ҳақида Кечаги селекторда Андижон вилояти ҳокими ярим миллиард доллардан ортиқ экспорт ҳажми билан мақтанган. Тегишли идоралар келтирилган рақамларни савол остида қолдирган. Мамлакат раҳбари марказий идораларга вилоятнинг экспорт билан боғлиқ айтилаётган кўрсаткичларни алоҳида ўрганиб чиқиши ҳақида айтиб ўтган. Вилоятларда, хусусан Андижонда экспорт режалари ижроси қандай қойилмақом қилинаётгани мева-сабзавот ва атиргул мисолида бир неча бор кун тартибига олиб чиқилган.