​Россия Давлат Думаси депутати Вячеслав Никонов "Большая игра" дастури эфири вақтида "Қозоғистон ҳудуди - бу Россия томонидан берилган совғадир" дея баёнот берган. "Қозоғистон мавжуд бўлмаган, шимолий Қозоғистонда эса умуман одам яшамаган. (Тўғри) улар яшаган, лекин анча жануб тарафда яшаган. Табиийки, Қозоғистон ҳудуди бу - Россия ва Совет иттифоқи томонидан совғадир" деган у. Путиннинг "вовилловчи кўппакларидан" ҳисобланган Никонов фашистлар Германияси билан иттифоқ шартномасига имзо чеккан совет ташқи ишлар вазири Молотовнинг набираси ҳисобланади. Қозоғистон Ташқи ишлар вазирлиги Никоновнинг низо келтирувчи ва тутуруқсиз баёнотига жавобан Россия федерацияга нисбатан норозилик нотасини юборган. Эслатиб ўтамиз, Қозоғистон ЕОИИнинг аъзоси ҳисобланади.