Ўзбекистон Россия етовидаги ЕОИИга тўлақонли аъзо бўлиши ҳақиқат, шекилли. Президент маслаҳатчиси ўринбосари раҳбарлик қилувчи Иқтисодий тадқиқотлар ва ислоҳотлар маркази тарқатган таҳлил ва кузатувларга эътибор қилсангиз, ЕОИИга аъзолик ҳиди анқиб турибди. Масалан, ЕОИИга кириш меҳнат мигрантларимизга зўр имкониятлар эшигини очиб беради, электротехника бозорида экспорт зўр бўлади, иттифоқдош давлатлар фуқаролари экстерриториаль кредит олиш ҳуқуқ бўлади, нефть ва газ умумий бозори ташкил этилади, чарм-пойабзал соҳасида ривож кузатилади ва ҳ.к. Ягона савол: президент админстрацияси бўйсунувида бўлган марказнинг таҳлил ва кузатувлари қанчалик асосли? Нега бошқа манбалар бу ҳақда гапирмаяпти? Вазирлик ва идоралар, парламент чурқ этмаяпти, лекин марказ ҳафталик чиқишларидан бемалол хулоса қилиш мумкинки, сиёсий қарор аллақачон қабул қилинган. Сардор Умурзоқов айтгандек, ҳокимлар ўзини тадбиркорлардан ақллироқ, деб билади, ҳукуматдаги сиёсатчилар ҳам ўзини барчадан ақлли, деб билади. Нормал давлатларда мустақил ақл марказлари бўлади, ҳеч бўлмаса. Ўзбекистонда шу ҳам йўқ.