"Каримов яна уч авлод яшайди" Ислом Каримов вафоти эълон қилинган кунларда ҳассос рус шоири Дмитрий Быковнинг ёзган шеъри эсга келади: "Да все он делал правильно, Каримов, Хотя имел тяжелый, резкий нрав. В сети, конечно, битва псевдонимов, Но большинство кричат: Каримов прав". Быковни таниганлар, тушунганлар билади, уни каримовпарастликда айблаш мумкин эмас. У ўта сезгир шоир, нима бўлаётганини, кейин нима бўлишини ҳам билади. Кайфиятларда ва кайфиятида сезган ва кўрган рангларини чизади. Шунинг учун Быков яна айтади: "Каримов ҳали ҳаёт, яна кўп яшайди". Токи олдинга росмана қадам ташланмас экан, эркинлик томон юрилмас экан, одамлар ҳаёти бугун кечадан, эртага бугундан яхшиланишда давом этмас экан, Каримовга қайта ва қайта мурожаат этилаверади. Унга, унинг дунёсига қайтилаверади. Ишимиз, тутумимиз, ҳаракатимиз, сўзимиз, дунёимиз бугунгидек экан, биз ҳали бери Каримовни унутмаймиз.