Зарнигорбегимнинг Россия билан тенг муносабатларда бўлишимиз ҳақидаги фикрларини ҳурмат қилган ҳолда айтаман: Бугунги Россия тенглик ва ҳуқуқ тилида эмас, зўравонлик тилида гаплашади. У фақат шу тилдаги гапни ва позицияни қабул қилади. Тўғри, замонавий ва эркин дунёда қарамлик йўқ, ўзаро боғлиқлик бор. Лекин ҳозирги Россия билан муносабатларда "взаимозависимость" деган ўлчов бўлиши мумкин эмас. Каримовнинг муваффақияти ҳам қисман шундай эди. Каримов Путиндан кўра ортиқроқ зарарли, бебош ва тийиқсиз ҳаракат қила олиши мумкинлигини доим кўрсата олган. Нафақат Кремль, Кремль назорати остидаги бирон ОАВда Каримовга ёқмаган фикр пайдо бўлса, Каримов буни жазосиз қолдирмаган, чора ҳамиша шафқатсиз ва ортга қайтмас бўлган. Путин доим билган: Каримов Россия Ўзбекистонга келтириши мумкин бўлган зарардан Россияга кўпроқ зарар келтириши мумкинлигини. Қурбонлар ва талофотлар қиймати унинг учун аҳамиятсиз эканини. Путин куч амал қиладиган кўча ва криминал мафкура одами бўлгани учун буни тушунган. Шугина сиёсат ҳозирги Россияга эш беради. @the_bankiroff