Юқоридаги пост популистик риторикада ёзилганини ҳисобга олиб, баъзи нарсаларни ойдинлаштириб кетмоқчиман. Авваллари ҳам кўп айтганман, биз ҳам Россияга керакмиз. Лекин бу ҳақида деярли гапирилмайди. Шунинг учун популизм интонациясида ёзилганига қарамай, пост бизнинг суверен мамлакат ва мустақил жамият сифатидаги идентификациямиз ҳақида. Ман кўпроқ конкрет бўшлиқларни ёпишда инструмент сифатида ишлатиладиган популизмни ёқлайман. Лекин соғлом фикрлашни туманлаштирадиган популизм тарафдори эмасман. Айни вазиятда холислик ва туманлашган фикр бўлмаслиги учун гапирилиб кетиши керак бўлган нюанслар: 🔹Россия ҳам, биз ҳам бир-биримизга қарам эмасмиз. Бир-биримизга тенг керакмиз ва тенг қизиқмиз. Шуни ҳисобидан нима учун тенглик принципидан фойдаланиб муносабатлар ташкилланмаслиги атрофида дискурс олиб боришимиз керак. Бизнинг мақсадимиз тенглик. Бошчилик эмас, ортда туриш эмас, фақат тенглик. Соғлом ва тўғри муносабатлар тенглик асосида ташкилланади. Нима учун Россия билан тенглик қилишга журъатимиз бўлиши кераклиги юқоридаги постда ҳам аввалги постларимда ҳам ёзилган. 🔹Қарамликка мойил бўлмаганларни, мустақил онгларни ҳеч ким куч билан ҳам, бошқа йўл билан ҳам қарам қилолмайди. Биз қарам бўлишга изн бермасак, ҳеч ким бизни қарам қилолмайди. Шунинг учун биз ҳам бошқаларнинг бизга қарам бўлишини истамаслигимиз керак ва бу оҳангдан умуман воз кечиш керак. Оддий маиший даражадаги суҳбатларда ва мунозараларда ҳам. Ҳозир муаммо фақат бизнинг қарамсифат сиёсатимизда эканини тушунишимиз керак. Шукрки, бу учун яқин ўтмишда ҳеч ким бизни ўзимиз хоҳламагунимиз туфайлиги қарам қилолмаганини эслаш кифоя. 🔹Ҳамманинг эсидан чиқиб қолаётган бир муҳим нарса - Россияни ёмонлаётганда акцентни у ерда сиёсий курс бераётган ҳозирги ҳукуматга қилиш керак. Тўғри тасаввур ва таассурот қолдириш учун бу жуда аҳамиятли. Бизнинг Россияда халқига эътирозимиз йўқ. Уларга адоват ва нафрат кайфиятида эмасмиз. Бизнинг саволларимиз ва эътирозларимиз бугунги Россия номидан нотенглик принципида ташқи муносабатларни олиб бораётган ҳукуматга қаратилган. Халқ ва ҳукуматни ажрата олишимиз керак. Акс ҳолда бизни паст ва тенгликка арзимас, деб ҳисоблаётганлардан фарқимиз бўлмайди. Ксенофобия ва шовинизм учун замин яратиш керак эмас. Эртага Россия ҳукуматига либерал қадриятлар тарафдори келса, бизнинг риторикамиз ҳам ўзгаради. Шунинг учун аниқлаштириб кетиш керак доим: Россия халқи ва россияликлар душманимиз эмс. Ҳеч ким душманимиз эмас. Биз ҳам ҳеч кимга душман эмасмиз. Бизни ўзларига тенг кўришларини, тенглик асосида биз билан муносабат ташкиллашларини хоҳлаймиз. Тенглик йўқлигига бизнинг вакилларимиз сустлиги билан, қарши тараф эса босими билан сабабчи эканини тушуниб турибмиз ва овозимиз ҳар икки тарафга етиб боришини хоҳлаймиз. @zarnigor1