Россия албатта озод бўлади, лекин аввал Навальний ҳаётини сақлаб қолиш керак! Бугун кечга яқин Россиянинг йирик шаҳарларида юзминглаб россияликлар Навальнийга озодлик талаби билан кўчаларга чиқади. Қамоқда қолаётган Навальний шифокорлар киритилишини сўраб очлик эълон қилганига қарийб 25 кун бўлди. Айтишларича, Навальний скелетга айланган. Организмдаги калий миқдори максимумга етган ва исталган пайт Навальний жон бериши мумкин. Навальнийнинг жонли режимда қатл этаётган баттол Путин бир неча соатдан кейин Федерал йиғилишга мурожаат йўллайди. Мурожаатноманинг мазмуни ва мундарижаси кўпчиликка асло қизиқ эмас. 20 йилдан буён давом этаётган иккиюзламачилик, таҳдид ва зўравонликлар россияликлар учун ёд бўлиб кетган. Бугунги кун Россия эртасини белгилайдиган воқеликларга бой бўлади. Дарвоқе, Россияда қолган ягона мустақил телеканал Дождь телеканали бугунги эфирини барча фойдаланувчилар учун очиб қўйди. Воқеликларни реал режимда кузатиб боришингиз мумкин.