Таклиф рағбатлантирилиши лозим, талаб каналларини қисиш кифоя эмас Монополияга қарши курашиш қўмитаси пахта ёғи нархларининг ўсишини олдини олиш учун битта харидор томонидан пахта ёғини 3 тоннадан кўп бўлмаган миқдорда товар ва хом ашё биржасида сотиб олиш ҳажмини чеклагани хабар қилинмоқда. Йирик харидлар орқали пайдо бўладиган спекуляцияга қарши курашган яхши, лекин ҳаракатларда меъёр бўлгани яхши. Шартлти айтганда харидор 10 тонналик машинани 3 тонналик ёғ учун жўнатадими? Сал эви биланда. Бундай майда партиялар билан сотиб олинган ёғнинг чакана савдогача етиши йўлида бир бирлик маҳсулот учун логистика ва транспорт харажатлари каррасига ошади-ку. Ўтган йили харид қилинадиган цементнинг энг кўп миқдорини ақлга сиғмас даражада паст белгиланиши қайтанга цемент нархларини янада ошишига хизмат қилди-ку. Наҳотки битта хатомизни яна ва яна такрорлайверсак. Қолаверса, нарх ошаётганда талабнинг маъмурий йўл билан қисилиши нархни тушириш ўрнига, шаклланадиган янги чегарадан бошлаб ўсишини яратадику. Шунинг учун таклиф, унинг сигналлари рағбатлантирилиши лозим, талаб каналларини қисиш кифоя эмас.