Белорусларнинг "Кун.уз"и ёпилди TUT.BY ахборот портали раҳбариятига жиноий иш қўзғатилган. Сайтнинг ўзи ёпилган. Унга масалан, Ўзбекистондан туриб ҳам кириб бўлмаяпти. TUT.BY белорусларнинг силикон водийси - "Юқори технологияла парки" резиденти ўлароқ йирик миқдорда солиқ тўловларини тўлашдан бўйин товлаганликда айбланмоқда. TUT.BY нафақат белорус ахборот маконининг мутлақ етакчиси, балки агрегатори ҳам бўлган. Ўтган йили президент сайловлари сохталаштирилгандан кейинги жараёнларни фаол ёритиб борган.