Нега чартер, мунтазам эмас? Чунки бу монополист Ўзбекистон ҳаво йўллари Ҳафтасига бир мартагина Москвага мунтазам авиақатнов амалга оширадиган Ўзбекистон ҳаво йўллари Москвага 24 майдан бошлаб кунига 2 марта чартер рейслар амалга ошира бошлашини эълон қилди. Эмишки, бу рейслар кафолатланган чартерлар. Нега мунтазам авиарейслар эмас? Чунки чартер рентабеллироқ, фойдалироқ, уларнинг ҳаракат вақтини бемалол ўзгартириш, манипуляциялаш мумкин. Пандемия даврида ҳам чет элдаги юртдошларимизни чартер рейс орқали мамлакатга олиб келиш Ўзбекистон ҳаво йўллари учун яхши бизнесга айланиб қолган эди. Айни кунларда ҳам даромад ва тирикчилик манбаисиз қолган минглаб ўзбекистонликлар Россия томон равона бўлмоқдалар. Таклифлар чекланган шароитда монополист шу фурсатдан яна фойдаланиб қолмоқчи. Руслар айтганидек, "Кому война, а кому мать родна".