Яна бир ёмон хабар Гарчи конфликтдан жавр чекаетган мазлумлар учун оғриқлар ҳеч тинай демаяётган бўлсада, можаронинг ўзимизга, Ўзбекистонликларга келтираётган зиёнига ҳам бефарқ қолиш мумкин эмас. Айбсиз айбдор ўрнида қолган Ўзбекистонликлар, айниқса меҳнат мигрантларимиз шу ўринда иқтисодий жабрдийдаларга айланишмоқда. Кеча ва аввалги куни Россиянинг иккита авиакомпанияси халқаро рейсларсни тўхтатган эди. Бугун уларнинг қаторига авиагигант Аэрофлот қўшилди. Ғарбдан ижара ва лизингга олинган самолетларни ҳибсга олиниши риски остида компания сешанба, 8 мартдан бошлаб халқаро рейсларни бекор қилмоқда, уларнинг орасида Ўзбекистон билан боғлиқ ўнлаб рейслар ҳам бор. Бу кетишда Россия билан авиа алоқа йўналишлари ўзимизнинг монополист Ҳавошка назорати остига қайтади. Нархлар билан яна жазоланишни ўз танамизда ҳис эта бошлаймиз.