#BOTGA_YOZISHMOQDA Ассалому алайкум, ҳурматли Шуҳрат ака! Мен Қорақалпоғистон Республикаси Амударё туманида фермерман. «Агробанк» туман филиали мижозларимиз. Банк ходимлари ҳисоб рақамимиздаги пулларимизни ўзлари хоҳлаган жойига кўчириб юбориб ўтирибди. Бунда банк ходимлари мендан бир оғиз сўраб ҳам ўтиргани йўқ, перечисление учун поручение қоғози ҳам олгани йўқ. Илтимос, шунга ёрдам берсангиз. «Агробанк» ходимлари жуда ўзидан кетган. «Бор, қўлингдан келганини қил», дейди. Масалан, 31 октябрь куни ҳам ҳисоб рақамимга пул келганидан сўнг, чек орқали банк бошқарувчиси сўрамасдан менинг 26 миллон сўм пулимни бировнинг кредитини ёпиш учун менинг ҳисоб рақамимдан олиб қўйди. Прокуратурага ариза бериб, пулларимни зўрға олдик. 30 ноябрь куни ҳисоб рақамимга 39 миллон миллон пул келиб тушибди. Менинг бундан хабарим ҳам йўқ. Банк ходимлари пулларимни хоҳлаган жойига менинг рухсатимсиз териб ташлабди. Бугун эрталаб пулни сўрасам «бир сўм йўқ», дейишди. Бу ёқда «Пахтасаноат» айтаяпдики, 39 миллон пул ташлаганман ҳисоб рақамингизга, деб. Ш.Ш.: Нима ҳам дердим «Агробанк»дагилар учун одатий ҳол бу. Битта Қорақалпоғистонда эмас, бутун республикада шундай! Агар «Агробанк» аталмиш фермерларни қақшатиш учунгина тузилган банкка ўхшаш идорада бирорта виждонини емаган одам қолган бўлса бу ноқонуний хатти-ҳаракат учун чора кўради. Бўлмаса, чидайверасиз, синглим… P.S. «Агробанк»дагиларда виждон аталмиш матоҳ уйғониб, мазкур масала юзасидан суриштиришни бошламоқчи бўлса, мурожаатчининг исми-фамилияси ва контактлари менда бор. Каналга обуна бўлинг: @shokirjonov Мурожаат йўлланг: @shokirjonovbot