Эски эпохадан ёдгорлик ўлароқ ҳозирча фақат 1 000 сўмлик қолди Янги намунадаги 5 000 сўм ва 10 000 сўм бўлган банкноталарнинг чиқарилиши билан 2017 йилда 50 000 сўмлик банкнота муомалага қўйилишидан кейин бошланган ягона тематикадаги банкноталар линиясини яратиш жараёни деярли тугалланди. Тўғри, ҳали ўтган эпохада қўлланилган линиядаги, яна ёзувлари кирилл алифбосидаги 1 000 сўмлик банкнота амалда. Лекин халқаро тажриба, пул муомаласини ташкил этишдаги нисбий афзаллик инобатга олинса, янги тематикадаги 1 000 сўмлик банкнота муомалага чиқарилмаса керак. Эҳтимолки, 2001 йил намунасидаги 1 000 сўмлик ўрнини секин-аста тангалар эгаллайди. Ҳа дарвоқе, 21-асрда шаклланган тажриба ва анъаналарга кўра, Марказий банклар банкноталар линиясини ҳар 5-7 йилда янги намуналари билан ўзгартириб боради. Ўзбекистоннинг 28 йиллик пул эмиссияси ўтмишида ҳали тарихий шахслар тематикаси қўланилмагсан. Балки бунга муносиб тарихий шахсларимиз ҳаддан зиёд кўп бўлгани асосий сабабдир. Ким билади дейсиз!?